Нийгмийн хариуцлага

Нийгмийн хариуцлагаа хэрэгжүүлэгч MamyPoko брэнд цус цусан бүтээгдэхүүн шаардлагатай эх үрсийн төлөө Таван Богд Группийн хамт олноо уриалан, цус хандивлах аяныг дөрөвдэх жилдээ амжилттай зохион байгууллаа. Энэхүү сайн үйлсийн арга хэмжээнд нийт 60 гаруй ажилтан оролцож, 200 орчим эхийн амь насыг аврах найдвар болсон цус хандивлалаа. Манай улсад төрөхийн хүндрэлээс болж цус алдсан ээжүүдэд жилд дунджаар 5000 гаруй хүний цусыг сэлбэн хэрэглэдэг тоон мэдээ байна. Хөгжиж буй орнуудын хувьд тухайн улсын цусны хэрэгцээг хангахын тулд 1000 хүн тутмын 15 нь цус өгдөг байхыг ДЭМБ-аас зөвлөжээ.

Засгийн газрын 2019 оны 128 дугаар тогтоол гарч, Замын хөдөлгөөний аюулгүй байдлын үндэсний зөвлөлийг байгуулан, хөдөө орон нутаг руу чиглэсэн хөдөлгөөн ихсэж буйтай холбогдуулан 6 дугаар сарын 15-аас 9 дүгээр сарын 25-ны хооронд "Орон нутгийн замын хяналт, хөдөлгөөний соёл" нэгдсэн арга хэмжээг эхлүүлсэн.   “Яараад яахав дээ” аяны хугацаанд орон нутгийн замын ачаалал ихэссэн боловч өмнөх оны мөн үетэй харьцуулахад зам тээврийн гэмт хэрэг 81 нэгжээр буюу 63.9 хувиар буурч, амь нас нь хохирсон хүн 11 нэгжээр буюу 21.7 хувиар буурсан, харин гэмтсэн хүн 46 нэгжээр буюу 59.5 хувиар буурсан эерэг үр дүн гарсан байна. Нийгмийн хариуцлагын хүрээнд “Яараад яахав дээ” аянд нэгдэн хамтран ажилласан Таван Богд ХХК-н хамт олонд Цагдаагийн Ерөнхий Газраас талархал гардууллаа. Замын хөдөлгөөнд соёлтой оролцож дүрмээ баримталсан жолооч танд баярлалаа.

Пицца Хатын хамт олон хүүхэд бүрт аз жаргал бэлэглэхийг эрхэмлэн ажилладаг бөгөөд 2019 оны 6 дугаар сарын 1-ний өдөр “Чихрээс үнэтэй дурсамж” өдөрлөгийг Лантуун Дохио ТББ-тай хамтран Баянхошуунд байрлах “Ид шидийн орон 1” төвд зохион байгууллаа. Олон хүүхдүүдэд мартагдахааргүй сайхан дурсамж үлдээх зорилгоор тус өдөрлөгийг өглөөнөөс орой хүртэл хүн бүхэнд нээлттэй зохион байгуулсан юм. Урлагийн үзүүлбэр, үлгэрийн баатруудын тоглолт, дуу бүжиг, хөгжөөнт тоглоом гээд сонирхолтой хөтөлбөртэй баярын үйл ажиллагаанд 2,000 гаруй хүүхдүүд эцэг эхийн хамт оролцож, нэг өдрийг дурсамж дүүрэн өнгөрөөлөө.  Энэ жил Монголд нээгдсэний 5 жилийн ойн баяр нь тохиож буй Пицца Хатын хамт олон "Сайн үйлсийн 5 онцлох ажил"-ыг хэрэгжүүлж байгаа бөгөөд энэ ажлынхаа хүрээнд “Чихрээс үнэтэй дурсамж” өдөрлөгийн ерөнхий ивээн тэтгэгч, хамтран зохион байгуулагчаар ажилласандаа баяртай байгаа билээ. Пицца Хат нь үйл ажиллагаагаа эхэлсэн цагаас гэр бүл, хүүхэд, тэдний боловсролд чиглэсэн олон үйл ажиллагааг тогтмол зохион байгуулсаар ирсэн. Нийгмийн хариуцлагатай компанийн хувьд цаашид ч гэсэн нийгэмд тулгамдаж буй олон асуудалд хувь нэмрээ оруулан ажиллах болно.

Монгол улсын хэмжээнд хамгийн олон хүүхдийг баярлуулж, хогоо ил задгай хаядаггүй байгальд ээлтэй багачуудыг урамшуулдаг “1 хогийг 1 амттанаар cольё” аяныг Ulker брэндийн Albeni амттан дэмжин ажиллалаа. Таван Богд Интернэйшнл ХХК-ийн хамт олны зүгээс байгаль орчноо хайрлан, хог хаялгүйгээр баяраа эрүүл орчинд тэмдэглэхийг уриалж байна. 

 “Эх хүүхдийн эрүүл мэндийн үндэсний төв”-ийн Хүүхдийн зөвлөх поликлиникийн “Хэл заслын өрөө”-г Пицца Хат брэнд бүрэн засаж, тохижууллаа.  Улсын хэмжээнд ганцхан байдаг хэл заслын өрөөнд хэл ярианы гажигтай, сонсголгүй дүлий хүүхдүүдээс гадна аутизм, дауны синдром-той хүүхдүүд хотын 9 дүүрэг болон 21 аймгаас жилд дунджаар 3000-3500 удаа эмчлүүлдэг учраас тус өрөөнд дуу тусгаарлагч хана хийж эмчилгээ явуулахад огт дуу, чимээ гарахааргүй болгон тохижуулах нь нэн чухал шаардлагатай байсан. Ялангуяа мэс заслын дараах хэл засал болон сонсголын аппараттай анх сонсож сурч байгаа хүүхэд чимээ байгааг мэдрүүлэх ялган таниулахад дуу тусгаарлагчтай өрөө  хамгийн чухал байдаг. Харин Пицца Хат нь тус өрөөг зориулалтын дуу тусгаарлагчтай болгон засаж, тохижуулан хүүхдийн ном гэх мэт эмчилгээнд шаардлагатай бүхий л хэрэгцээт зүйлсийг бэлтгэн хүлээлгэн өгч байгаа тул хүүхдүүд зориулалтын дуу тусгаарлагчтай, тухтай өрөөнд эмчилгээнд хамрагдаж хэл ярианы бэрхшээл бүрэн засрах боломжтой болж байна.   Пицца Хат нь нийгмийн хариуцлагын хүрээнд хүүхэд, гэр бүл, боловсролд чиглэсэн олон  ажлуудыг хэрэгжүүлдэг ба брэндийн 5 жилийн ойг тохиолдуулан 5 сайн үйлсийн ажлууд хийж байгаагийн нэг нь тус эмнэлгийн  өрөөг тохижуулах ажил боллоо. Пицца Хат-с сошиал хуудсандаа ямар ажил хийж нийгэмдээ хувь нэмэр оруулах талаар нээлттэйгээр олон нийтээс санал асуулга авсан ба олон хүмүүс тус эмнэлгийн өрөөг санал болгосноор улсын хэмжээнд ганцхан байдаг хэл зүйн өрөөг сонгон тохижуулж өгч байгаа юм. Тус өрөөг тохижуулахдаа эмч, эмнэлгийн эрхлэгчдийн хүсэлтийн дагуу өнгөлөг засалтай болгож эмчилгээ хийлгэхэд илүү сонирхолтой бас тухтай байх талаас нь тохижуулсан тул хүүхдүүдийн хамгийн дуртай эмнэлгийн өрөө болох юм. Эмчийн ширээ, сандал, шкафнаас эхлүүлээд хүүхдийн ширээ сандал мөн өрөөний тааз, цонх, гэрэл, угаалтуур, шал гээд бүхий л шаардлагатай хэсгүүдэд засвар хийн бүрэн шинэчлэлт хийсэн ба цаашдаа ч Пицца Хат брэндийн зүгээс тус хэл зүйн өрөөг байнга дэмжиж ажиллах юм. Хайрлах нь хуваалцахаас уриатай Пицца Хат брэнд нь дараа дараагийн нийгмийн хариуцлагын ажлаараа хүүхдүүдэд чиглэсэн олон ажлыг хийхээр төлөвлөж байна.

“Таван богд Фүүдс” ХХК-ийн “KFC” брэндээс санаачлан, “Улаанбаатар Ротаракт клуб” ТББ-тай хамтран 2019 оны 5 дугаар сарын 25-ны өдөр 92-р сургуулийн I-III ангийн 645 хүүхдийг нүдний үзлэгт хамруулан, шил зүүх нэн шаардлагатай 88 хүүхдэд нүдний шил бэлэглэж, 197 хүүхдийг нарийвчилсан үзлэгт хамруулсан.  Хүүхдийн нүдийг бага наснаас нь эхлэн тогтмол шалгуулах нь тэдний сургалт хөгжлийн амжилтад нөлөөлж, улмаар харааны бэрхшээл болон бусад эрүүл мэндийн асуудлаас урьдчилан сэргийлдэг.