Мэдээлэл

''Little Sheep'' олон улсын сүлжээ хот пот рестораны 1 жилийн ой өнөөдөр тохиож байна

Их хаан Хубилайн үед ая дайнд мордсон Монгол цэргүүдийн хийхэд хялбар, цаг бага зарцуулдаг, их аян замд хэрэглэхэд тохиромжтой хоол бол халуун тогооны шөл байсан гэдэг. Биед илчтэй, амин дэмтэй шөлөөр ундаалсан монгол дайчид Евро-Азийг нэгтгэсэн түүхтэй. Энэ түүхээс улбаалан  бүтээгдсэн, дэлхий нийтэд Монгол хэмээх нэрээр овоглон хүрч байгаа Little Sheep Mongolian Hot Pot маань ийнхүү олон улсын стандарттайгаар эх нутагтаа хүрэлцэн ирсэн билээ. 2018 оны 1 сарын 19 ний өдөр хамгийн эхний салбараа ''Home Plaza'' төвийн хажуудах'' KFC''-гийн 2 давхарт нээж байсан бол 2-дох салбараа 11 сард Дэлхийн хамгийн том салбар хэмээн дуулиантайгаар 11 сарын 14-нд нээсэн билээ. "Little Sheep"-ын халуун тогооны шөлний давуу талаас дурдвал та шөлөө тусад нь амтлах хэрэггүй юм. Учир нь шөлөнд нь дархлаа дэмжих, тамир тэнхээ нэмэх, ядаргаа тайлахад тустай 7 төрлийн эмийн ургамал, хүний биед хэрэгцээт амин дэм, витамин, эрдэс бодисуудыг агуулсан 5 төрлийн амтлагч орсон байдаг. ''Little Sheep'' ресторан нь 1 жилийн ойн баяраа угтан 17-ны өдрөөс эхлэн  7 хоногийн хугацаанд 1 хүний сэтээ 13,500 төгрөг болгон  худалдаанд гаргалаа. Өвлийн улиралд өөрийгөө хайрлаж ханиад томуу ихтэй энэ үед эрүүл мэндээ бодон амин дэмээр баялаг шөл, шинэхэн ногоо, мах, гурил гээд бүх зүйлийг багтаасан сэтээ зооглоорой.

Говь ХК-ийн төслүүд хэрэгжиж эхэлсэн нь

Үндэсний үйлдвэрлэлээрээ тэргүүлэгч “Говь” ХК нь Монгол улсын засгийн газраас боловсруулсан Ноолуур хөтөлбөрийн хүрээнд, экспортын нэмэгдүүлэх, ажиллах хүч дотооддоо бэлтгэх нийгмийн хариуцлагын хүрээнд үйл ажиллагаагаа өргөжүүлж, Улаанбаатар хот болон Төв аймгийн Сэргэлэн суманд хэрэгжүүлэхээр хоёр төсөл эхлүүлсэн.  Улаанбаатар хотод эхлүүлсэн төсөл нь нийт 7,166м2 талбай бүхий оёмол болон сүлжмэлийн үйлдвэрийн өргөтгөлийн давхар барилга юм.  ШИНЭ ҮЙЛДВЭР 2018 ОНЫ 12-Р САРД АШИГЛАЛТАНД ОРЖ ҮЙЛ АЖИЛЛАГААГАА ЯВУУЛЖ БАЙНА. Мөн анхан шатны үйлдвэрийн үйл ажиллагаагаа өргөжүүлж, 14.7 га газар бүхий ноолуурын анхан шатны цогцолбор үйлдвэрийг Төв аймгийн Сэргэлэн суманд барихаар төлөвлөж байгаа бөгөөд шав тавих ёслол 2018 оны 6-р сарын 15-нд болсон. Монгол улс ойролцоогоор 9500 тонн түүхий ноолуурыг дэлхийн зах зээлд бэлтгэн нийлүүлдэг ба 90 орчим хувийг угаасан хэлбэрээр экспортолдог. Үлдсэн 10 хувийг дотоодын үйлдвэрлэгчид боловсруулж, эцсийн бүтээгдэхүүн болгон дотоод болон гадаадын хэрэглэгчдэд түгээдэг байна. Тиймдээ ч Гоёо ХХК-тай хамтран түүхий ноолуурыг дотооддоо боловсруулан эцсийн бүтээгдэхүүн болгож, экспортын орлогыг нэмэгдүүлэхэд хувь нэмрээ оруулахаар уг төслийг санаачилсан. Ноолуурын анхан шатны үйлдвэр нь 4000 тонн түүхий ноолуур бэлтгэж, 2000 тонн самнасан ноолуур боловсруулах хүчин чадалтай бөгөөд түүхий эдээ бэлтгэхдээ орон нутгийн малчид болон үйлдвэрийн байранд хүлээн авах гэсэн хоёр шугамтай. Төв аймгийн Сэргэлэн сумын нутагт баригдах анхан шатны боловсруулах үйлдвэр нь 14,000м2 талбай бүхий ноолуурыг ангилах, угаах, самнах дамжлагуудтай цогцолбор үйлдвэр юм. АШИГЛАЛТАД ОРОХ ХУГАЦАА: 2019 ОНЫ 4-Р САРЫН 1 Төслийн үр дүнд 470 гаруй ажлын байр шинээр бий болж, орон нутаг, улс орны эдийн засаг болон экспортыг дэмжих онцгой ач холбогдолтой бүтээн байгуулалт болсноороо 2018 оны онцлох үйл явдлуудын нэг болсон.  

УЛААНБААТАР ГУРИЛ ХХК-ИЙН АЖИЛТНУУДЫН ОРОН СУУЦ АШИГЛАЛТАНД ОРЛОО

Үндэсний томоохон үйлдвэрлэгчийн нэг "Улаанбаатар Гурил" ХХК нь 2001 онд анх үүсгэн байгуулагдсан бөгөөд 2012 онд Дархан хотын үйлдвэрийн бүсэд Турк улсын Алапала компанийн тоног төхөөрөмжөөр бүтсэн 300 тонн улаан буудай тээрэмдэх хүчин чадалтай бүрэн автоматажсан, компьютер удирдлагын системтэй, босоо технологитой 5 давхар үйлдвэр байгуулсан билээ. Бид анх байгуулагдсан цагаасаа хойш эх орныхоо эрдэнэт хөрсөнд ургасан улаан буудайг тээрэмдэн боловсруулж, эрүүл, аюулгүй, чанартай хүнсийг ард түмэндээ хүргэсээр байна. Бид ард түмнийхээ тэргүүн сонголт нь байж салбартаа манлайлахын зэрэгцээ чанарыг эрхэмлэн хамгийн тааламжит үнэ, өртөг бүхий бүтээгдэхүүнийг үйлдвэрлэн зах зээлд нийлүүлж ажилтнуудынхаа оюуны болон санхүүгийн хэрэгцээг хангаж, нийгмийн хөгжил дэвшилд бодитой хувь нэмэр оруулахыг зорьж ажилладаг билээ. Мөн бид ажилтнуудаа эрүүл, аюулгүй ажлын орчин хийгээд мэргэжлийн ур чадвараа дээшлүүлэх бүрэн боломжтой ажлын байраар хангах, ажилтнууд маань бие болоод сэтгэлийн аз жаргалыг мэдэрдэг байхыг зорьж ажилладаг. Үүнийхээ хүрээнд бид Дархан-Уул аймгийн 11-р багийн нутаг дэвсгэрт Баян Бридж ХХК барилгын компанитай хамтран 70 айлын орон сууцыг 2018 оны 12-р сарын 10-нд ашиглалтанд оруулсан билээ. Энэхүү орон сууцанд гүйцэтгэл, ур чадвар сайтай, компанидаа олон жил тогтвор суурьшилтай, өндөр хувь нэмрийг оруулан ажиллаж байгаа үйлдвэрийн 35 ажилтныг хөнгөлөлттэй, таатай нөхцөлөөр хамруулж байгаа бөгөөд оршин суух ажилтнууд маань түлхүүрээ гардан авлаа.

“Pizza and Wine” үдэшлэг

Пицца Хат брэнд нь Монголд хүргэлтийн болон экспресс салбаруудыг амжилттай нэвтрүүлэн ажиллаж байгаагаас  хамгийн анхны  Ресторан салбарын нээлтээ Галлериа Улаанбаатар төвийн 1 давхарт 11 сарын 22-нд нээн Pizza and Wine үдэшлэгээ зохион байгууллаа. Энэ салбарын онцлог нь  пиццанаас гадна төрөл бүрийн амтат  хоол, салат, коктейл, дарсаар үйлчилдэгээрээ бусад салбараас илүү онцлог тав тухтай салбар юм. Мөн нээлтийг тохиолдуулан  ажлын дараа багц болон винотой багцууд дээрээ урамшуулал зарлан үйлчлүүлэгч, хэрэглэгчидээ урьж байна.

Little Shееp Хот Пот олон улсын сүлжээ рестораны Дэлхийн хамгийн том салбар өнөөдөр нээлтээ хийлээ

2017 оны дэлхийн хамгийн өсөлттэй брэнд болох “Little Sheep” Хот Пот олон улсын сүлжээ рестораны хамгийн том салбар “Галлериа Улаанбаатар” төвийн 3 давхарт нээгдлээ. 2018 оны 1 сард анхны “Home Plaza- Little Sheep” салбараа Хан-Уул дүүрэгт нээж байсан бол хэрэглэгч зочиддоо зориулсан ая тухтай, олон улсын стандартад нийцсэн цоо шинэхэн салбараа өнөөдөр нээж байна. Нээлтийн арга хэмжээ ''Галлериа Улаанбаатар'' төвд 12 цагаас боллоо. Уригдан ирэх зочдыг ятганы уянгалаг аялгуу, мөн үндэсний хувцacтай бүсгүйчүүд цэнхэр хадаг, мөнгөн аягтай сүүгээр угтан авлаа. Олон сонирхолтой тоглоом үзүүлбэрүүд багтсанаас хамгийн их зочдыг нүд болон чихийг зэрэг  баясгасан нь ‘’Нанта’’ хоолны шоу үзүүлбэр байлаа.  “ Little Sheep” рестораны шинэ салбар нь  нийт  2500 метр квадрат бөгөөд нэг дор  460 хүн хүлээн авах хүчин чадалтай, 104 хүний багтаамж бүхий дуу тусгаарлагчтай VIP өрөөнүүдтэй, 50-70 хүний хүлээн авалт хийх  Монгол гэрийн хийцийг агуулсан хүндэтгэлийн хэсэг, үйлчлүүлэгчдийн хүүхэд тоглох тоглоомын өрөө, алжаал тайлах массажны өрөө, их хотын залууст зориулсан коктейл бар лоунж зэрэг бүх зүйлийг багтааснаараа  давуу талтай бөгөөд нүүдэлчин Монголчуудын уламжлалт хэв маягийг агуулсан сонирхолтой шийдэл бүхий интерьер дизайнтай, тав тухтай, тохилог орчиндоо та бүхнийг урьж байна.

“Галлериа Улаанбаатар” төв үүдээ нээлээ

Нийслэл хотын зүрхэн хэсэгт сүндэрлэх  “Галлериа Улаанбаатар” төвийг Таван Богд Группийн хамт олон ашиглалтад оруулж, албан ёсны нээлтээ 11 сарын 15-ний билэгт сайн өдөр хийлээ. Нээлтийн ёслолд Таван Богд Группийн Ерөнхийлөгч Ц.Баатарсайхан, дэд ерөнхийлөгч хатагтай Д.Хулан, Монгол Улсад суугаа элчин сайдууд, Урлаг соёлын төлөөлөгчид, хамтран ажилладаг түншүүд, хэрэглэгч үйлчлүүлэгчдийн төлөөлөл оролцлоо. Бидний мэдэхээр Хэвлэх үйлдвэрийн хэмээн нэрлэдэг байсан энэхүү түүхэн дурсгалт барилгыг 1929 оных нь тэр л байдал, орчин үеийн архитектурын өвөрмөц шийдэлтэй хослуулан бүтээсэн бөгөөд энэхүү төв нь   10,152 м2 талбай бүхий 3 давхар цогцолбор юм. Энэ барилгын чухал шийдлүүдийн нэг нь Говь, Гоёо брэндийн нийлсэн 2500 м2 талбай бүхий дэлхийн хамгийн том ноолуурын дэлгүүр бөгөөд  энэ нь монголчууд төдийгүй гадаадын жуулчдыг татсан шийдэл болжээ. Галлериа Улаанбаатар төвд ямар ямар худалдаа үйлчилгээний төвүүд байгаа вэ? Дэлхийн хамгийн том ноолууран хувцасны дэлгүүр болох ГОВЬ, ГОЁО брэндийн дэлгүүр 1, 2 давхарт байна. Мөн 1-р давхарт  Пицца Хат олон улсын сүлжээ рестораны анхны РЕСТОРАН салбар нээгдэж байна. Энэ салбарын онцлог нь  пиццанаас гадна төрөл бүрийн хоол, салат, коктейл, дарсаар үйлчлэх юм. Мөн гэр бүлээрээ орох дуртай KFC олон улсын сүлжээ рестораны эко дизайнтай салбар мөн онгоцны тийз захиалгын Эйрлинк Монголиа компанийн салбар  болон caffeBene үйл ажиллагаагаа явуулж байна. 2-р давхарт Үндэсний үйлдвэрлэгчдээ дэмжсэн, эх орноо гадаадад сурталчлах нэгэн суваг болсон  үндэсний  бэлэг дурсгалын “Сувенир” дэлгүүр, Хаан банкны бизнес төв  нээгдэж байна. Мөн өөрийн байнгын үйлчлүүлэгчтэй болсон япон хоолны Нагоми ресторан хүчин чадлаа нэмж, үйл ажиллагаагаа илүү өргөжүүлж давхар нээлтээ хийлээ байна. 3 давхарт нь Little Sheep хот пот рестораны дэлхийн хамгийн том салбар болох  нэг дор 460 хүний суудалтай рестораныг нээлээ. Галлериа Улаанбаатар төв нээгдсэнээр шинээр 500 гаруй ажлын байран  бий болгосон нь үнэхээр бахархалтай.    Ер нь хотын төв цэгт, үйлчилгээний байгууллагуудын нэгдсэн төв ийнхүү үүдээ нээсэн нь Монголыг зорин ирэх жуулчдад жилийн дөрвөн улирлын турш дэлхийн жишигт нийцсэн үйлчилгээ үзүүлэх  нөхцөлийг бий болгож байгаа юм. Галлериа Улаанбаатар төвөөр та бүхнийг зочлохыг урьж байна. Нээлтийнхээ үйл ажиллагааг тохиолдуулан эцсийн хэрэглэгчдэдээ дараах урамшууллыг барьж байна.