Мэдээлэл

Таван Богд Групп японы TEIN брэндтэй хамтын ажиллагааг эхлүүллээ

1985 оноос эхлэлтэй Япон улсын автомашины амортизаторын үйлдвэрлэлийн TEIN компани нь улсдаа сайжруулсан өндөр чанарын амортизаторын борлуулалтаар тэргүүлэгч компани бөгөөд Монгол улсад 2013 оноос эхлэн хийсэн өөрсдийн шинжилгээ судалгааны үр дүнд  Land Cruiser 200 маркын автомашинд тусгайлан зориулан үйлдвэрлэсэн TEIN 4X4 болон бусад Toyota, Nissan, Subaru зэрэг бүх төрлийн автомашины TEIN ENDURA PRO PLUS загварыг нийлүүлж эхэллээ.  TEIN автомашины амортизатор нь Toyota компорацийн шинэ автомашинуудын TRD PRO тоноглолд үйлдвэрээс нийлүүлэгддэг бөгөөд үйлдвэрийн амортизатороос илүү өндөр ачаалал даах, хатуу зөөлөнг хүссэнээр тохируулж болох давуу талтай. Монгол улсад борлуулагдаж буй TEIN 4X4 болон TEIN ENDURA PRO PLUS загварууд нь автомашины энгийн амортизатороос дараах давуу талтай. Үүнд: Өндөр нам болон хатуу зөөлөн тохируулагч 2 дахин их тос ордог 2 талдаа ажиллагаатай Донсолгоо шингээгч бүхий HBS систем -40 градусын шингэнтэй 60% илүү өргөн диаметртэй Илүү сайжруулсан гангаар хийгдсэн. Таван Богд Групп нь 2019 оны 3-р сарын 18-аас эхлэн албан ёсны дистрибюторын эрхтэйгээр үйл ажиллагааг эхэлж байгаа  бөгөөд өөрсдийн Хан-уул дүүрэг болон Баянгол дүүрэг дэхь салбар дэлгүүрүүдээр борлуулан үйлчилж байна. Дэлгэрэнгүй мэдээллийг: 99994980 дугаараас Салбар 1: ХУД Volkswagen Center-ийн хойно Салбар 2: Өргөө 1 кино театрын KFC -ын урд. Facebook хуудас: TEIN Mongolia / Таван Богд /

ТӨГС УРЛАЛЫГ ТҮГЭЭХ ӨДӨРЛӨГ

Ноолуураар хослол Монголдоо урлана гэдэг хэний ч санаанд багтамгүй, бүтэшгүй мөрөөдөл мэт байв. Учир нь ноолуурыг нимгэн даавуу болгох үйл явц нь маш нарийн шат дамжлагаас бүрдсэн, асар их цаг хугацаа шаардсан ажиллагаа байдаг. Харин энэ ажиллагааг Говь ХК-ийн мэргэжилтнүүдийн удаан туршилт, өнө их хөдөлмөрийн үр дүнд өд мэт хөнгөн 100% ноолууран даавууг урлаж, үүгээрээ анх удаа эрчүүддээ зориулсан төгс хийц бүхий хослолыг хэрэглэгчиддээ барилаа. Шинэхэн бүтээсэн нарийн даавуу болон түүгээр урласан Монгол эрчүүдийн биед төгс суусан хослолын танилцуулах арга хэмжээ 2 сарын 28-нд зохиогдсон бөгөөд уригдан ирсэн хүндэт зочиддоо бэлэг болгон хамгийн анхны нарийн даавуун хослолыг хувь захиалгаар хийлгэх ховорхон боломжийг олгосон байна.

YAMA брэндийн хавар зуны коллекци

YAMA брэндийн энэ оны хавар/зуны коллекци нь таныг зах хязгаар нь үл мэдэгдэм эсрэг туйлын ертөнц рүү хөтөлж, өнгөрсөн үеийн харилцан хамаарлаас ангид ирээдүйн мөн чанарыг тольдоно. Ирээдүйг тольдох бидний ертөнц яг л ийм төрхтэй гэмээр зураглалыг энд буулгасан юм. Бүх зүй тогтол нь холимог болон хуваалцахад оршино: коллекцийн үзэл санаа, хэв маяг нь тэр чигтээ орчин үеийн чиг хандлагыг тодорхойлсон гэхэд болно. Загварын хэлбэр бүр сэдэлжүүлсэн ба деталь хэсгүүд нь дэлхийг бүхэлд нь багтаасан мэт гайхалтай зураглалууд тус коллекцид оршин буй... Шинэхэн коллекцид романтик төрхийг тодотгох зөөлөн ягаан өнгө давамгайлсан. Өнгөний хослолын хувьд сувдан саарал, ягаан, мэдрэхүйн чанарыг өндрөөр илэрхийлэх шүр, эмэгтэйлэг байдлыг тодотгосон маргад зэрэг сэтгэл булаам өнгүүд зонхилжээ. Энэ бол таныг шинэ сорилтод хөтөлж, сэтгэл хөдлөлийн оргилд хүргэх тансаг илэрхийлэмж юм.

Гоёо ХХК-ийн бүтээгдэхүүн Солонгос улсын зах зээлд

Гоёо компани нь 2019 оны 1 дүгээр сард БНСУ-ын CJ группийн CJ ENM компанитай ГОЁО брэндийн бүтээгдэхүүнийг Солонгос улсын зах зээлд худалдах онцгой гэрээг байгуулсан бөгөөд 2 дугаар сарын 12-ны өдөр CJ TV homeshopping сувгаар анхны борлуулалтаа амжилттай хийлээ.2018 оны хувьд Гоёо компанийн Гадаад худалдааны газар нь 53,000 ширхэг бэлэн бүтээгдэхүүнийг экспортод гаргаж байсан бол 2019 оны дөнгөж эхний 2 сарын байдлаар гэхэд 44,000 ширхэг бэлэн бүтээгдэхүүнийг БНСУ ын зах зээлд нийлүүлж Монгол улсын ноолууран бүтээгдэхүүнийг дэлхийн зах зээлд таниулах, экспортыг өсгөхөд үнэтэй хувь нэмрээ оруулж байна.

“ГОВЬ” БРЭНД ХАМГИЙН НИМГЭН НООЛУУРАН ДААВУУГААР АНХ УДАА ХОСЛОЛ УРЛАЛАА

Үндэсний томоохон үйлдвэрлэгч “Говь” ХК Монголын ноос, ноолуурын салбарт тэргүүлэгч гэдгээ ахин баталж анхны нимгэн даавуун эрэгтэй хослолоо худалдаанд гаргалаа. Монгол мэргэжилтнүүд нарийн ширхэгтэй утсаар нэхсэн нимгэн ноолууран даавуугаар хослол урлахаар  удаан хугацаанд туршилт хийсний үр дүнд дээрх амжилтыг үзүүлээд байна. Шинийг эрэлхийлсэн энэхүү томоохон алхам “Говь” ХК-ийг дэлхийн тансаг зэрэглэлийн брэндүүдтэй эн зэрэгцэхүйц түвшинд хүрснийг баталж буй. 100 гаруй шат дамжлага дамжин эцсийн бэлэн бүтээгдэхүүн болж, хэрэглэгчдийн гарт хүрч буй цаг хугацаа, нарийн ажиллагаа шаардсан уг классик загварын хослол чанар, үнэ цэнийн төгс нийцэл болж чаджээ. Хэрэглэгчдийн өмсөж дадсан “Говь” брэндийн урьд урьдын пиджакны материалаас илүү нимгэн болсон тул энэхүү хослол биед хөнгөн төдийгүй ямар ч нөхцөлд өмсөхөд тохиромжтой. Түүнчлэн дэлхийн тансаг зэрэглэлийн бусад брэндийн бүтээгдэхүүнтэй харьцуулахад боломжийн үнэтэй гэдгээрээ онцлог. Олон улсад мэргэжлийн стилистүүд хар хөх өнгийн хослол эрэгтэй хүний шүүгээнд нэн түрүүнд багтах ёстой №1 сонголтуудын нэг хэмээн зөвлөдөг билээ. Энэ ч утгаараа хар хөх өнгөтэйгөөр “Галлериа Улаанбаатар” худалдаа, үйлчилгээний төвд цөөн тоогоор худалдаалагдаж эхэлсэн уг хослолын загвар болон өнгөний сонголтыг цаашид улам нэмэгдүүлнэ гэдгээ “Говь” ХК-ийн мэргэжилтнүүд онцолж байна. Биед эвтэйхэн, тансаг зэрэглэлийн хувцсыг таашаадаг эрхмүүдэд нэн тохиромжтой 100% ноолуурын орцтой энэхүү тусгай загвар өмссөн эзнээ энгийн, цэмцгэр харагдуулах онцгой бүтээл юм.

XEROX DOCUMENT CENTER ШИНЭ ӨНГӨ ТӨРХТЭЙ БОЛЛОО

“Xerox Document Center” буюу “Хэвлэлийн түргэн үйлчилгээний төв”-ийн маань засварын ажил бүрэн дуусч шинэ өнгө төрхтэй боллоо. Тус төв нь бичиг баримттай холбоотой бүх шатны хэрэгцээг хангах анхны төв бөгөөд бүх харилцагч, хэрэглэгчдэд нээлттэй үйлчилгээ үзүүлж, тэдгээрийн захиалгыг тав тухтай орчинд дэлхийн алдартай Xerox брэндийн дэвшилтэт дижитал технологийг ашиглаж богино хугацаанд чанарын өндөр түвшинд хүссэн тоо ширхгээр А5-А0 хүртэлх хэмжээтэй хэвлэх, хувилах үйлчилгээ үзүүлдэг.  Түүнчлэн “Xerox Document Center”-ээс түргэн, шуурхай хэвлэлийн үйлчилгээ авахаас гадна оффисын зориулалттай жижиг болон том оврын бүх төрлийн Xerox брэндийн хэвлэх, хувилах тоног төхөөрөмж болон түүний дагалдах хэрэгсэл, сэлбэг, хорууд, Double A брэндийн бичгийн цаас, үдээсний машин, үдээс, бал, хавтас, стикер цаас, цавуу гэх зэрэг 50 гаруй нэр төрлийн high сегментийн бичиг хэргийн бүтээгдэхүүнийг худалдан авах боломжтой.  Мөн хяналтын системийн AXIS дэлхийн брэндийн showroom байрлаж байгаа бөгөөд энэ хэсгээс шинэ, хамгийн сүүлийн үеийн дэвшилтэт технологид суурилсан хяналтын камертай хослон ажиллах шинэ шийдэл, боломжуудтай бодитой танилцаж, сонголтоо хийх өргөн боломж нээгдэж байгаа юм. AXIS брэндийн хяналтын систем нь дэлхийн тэргүүлэгч Genetec програм хангамжийн хөгжүүлэлттэй төгс зохицон ажилладаг ба үүний нэгэн жишээ нь 2018 онд “Галлериа Улаанбаатар” үйлчилгээний төвийн автоматжуулалтын үндсэн гүйцэтгэгчээр ажиллаж улсын комисст амжилттай хүлээлгэж өгсөн явдал юм. Энэхүү дэвшилтэт технологи ашиглан нэвтрүүлсэн автоматжуулалтын цогц систем нь хяналтын камерын хөгжүүлэлт, хүн тоолох систем, нэвтрэх систем, тоон зарлан мэдээлэх систем, ухаалаг авто зогсоолын систем, гал, хулгайн дохиоллын системүүдийг өөртөө багтаасан томоохон системүүдийн нэг юм.