English

Мэдээ Мэдээлэл

ГОЁО БРЭНДИНГ ШИНЭЧЛЭГДЛЭЭ

Аливаа зүйлс бүхэн өөрчлөлтийн дунд оршиж, түрүүлж эхлүүлсэн шинэчлэлтээрээ хөгжлийн замаа тодорхойлдог. Тэртээ 1993 онд социалист нийгмийн тогтолцооны Эсгий, эсгий гутлын үйлдвэрийн суурин дээр Монголын анхны хувийн хэвшлийн ноос ноолуурын компани болж, ноос ноолууран түүхий эдэд зөвхөн анхан шатны боловсруулалт хийх зорилготойгоор 50-иад ажилтантай байгуулагдаж байсан ГОЁО ХХК Goyo Cashmere өнөөдөр 25 жилийн босгон дээрээ Монголын бизнесийн томоохон групп компани болох ТАВАН БОГД группын охин компани болон шинэчлэгдэж, ноолууран түүхий эдэд бүрэн боловсруулалт хийх хүчин чадалтай 800 ажилтантай цогц үйлдвэр болсон байна. Энэ хөгжлөөрөө ГОЁО брэндийнхээ үнэ цэнэ, өрсөлдөх чадварыг нэмэгдүүлж, гадаад зах зээлд таниулах боломжоо тэлэх зорилгоор БРЭНД ЛОГО-гоо шинэчлэн танилцуулж байна. Бид их гүрний сүр хүчийг илтгэж, ур хийцээрээ дэлхийд гайхагдан оршиж байсан Хархорум хотын Мөнгөн модыг брэнд логондоо тусган, Монгол ноолуураар дэлхийг гоёхыг зорин ажиллах болно. 1220 онд суурь нь тавигдаж, 1236 онд их найр цэнгэл наадам хийснээр Дэлхийн түүхнээ Монголын хаант гүрний сүр хүч, хөгжил цэцэглэлтийн илэрхийлэл болж өрнө дорныг холбосон Торгоны замыг чагтлан оршиж байсан нийслэл ХАРХОРУМ хотын төвд уран дарханы хийцийн гайхамшигт бүтээл болох МӨНГӨН МОД сүндэрлэнэ. Мөнгөн мод нь Монгол гүрний хөгжлийг илтгэж, түүний ур хийц, амсраар урсан гарах идээ ундааны дээжийн тухай яриа дэлхийд түгж байжээ.

СПОРТ КОМПА-2018

ТАВАН БОГД ГРУППИЙН нөхөрсөг “СПОРТ КОМПА-2018” арга хэмжээ 2018.06.16-17-ны өдрүүдэд Буянт Ухаа спорт цогцолборт амжилттай болж өндөрлөлөө.   Энэхүү Группийн хэмжээний спорт арга хэмжээнд Таван Богд Группийн 17 салбар компани болон Хаан банк, Говь ХК-иудын 400 гаруй баг тамирчид Шатар, Ширээний теннис, Сагсан бөмбөг, Гар бөмбөг гэсэн 4 төрөлд хурд хүч, авхаалж самбаагаа сорин Хаан банк багийн нийлбэр оноогоор Тэргүүн байр эзэлж, шилжин явах цом, өргөмжлөлөөр Говь ХК 2-р байр эзэлж, батламж өргөмжлөлөөр Таван Богд Интернэйшл ХХК 3-р байр тус тус эзэллээ. Хамгийн зохион байгуулалттай, эрч хүчтэй, шилдэг хөгжөөн дэмжигч багаар Таван Богд Интернэйнл ХХК шалгарлаа.

МУГТ Б.Гангаамаа K2 оргилыг зорьлоо

Монгол Улсын Гавъяат Тамирчин, “Seven summit”-ын эзэн ️Б.Гангаамаа Дэлхийн уулчдын мөрөөдөл бас айдас,алдар нэрийн тавцан гэгдэх Дэлхийн хоёр дахь ноён оргил Чогори / К2 / уулын олон улсын авиралтанд эх орноосоо мордлоо. Тэрээр энэхүү авиралтанд 2013 оноос хойш 5 жил бэлдэж бас зүүдэлж ирсэн тухайгаа хэвлэлийн хурлын үеэр дурьдаж байсан юм. Энэ удаагийн авиралтанд нь "ТАВАН БОГД ГРУПП"-ийн Таван Богд Трейд, Хаан Банк, Говь, Улаанбаатар Гурил компаниуд дэмжиж оролцлоо.

Дэлхийн алдартай шоколад үйлдвэрлэгч Годива брэнд Улсын Их Дэлгүүрт 2 ДАХЬ салбараа нээлээ

Бельги өв уламжлалыг хадгалсан 90 жилийн түүхт Годива брэндийн шинэ салбар хэрэглэгчдийнхээ хүсэлтээр Улсын Их дэлгүүрийн 1 давхарт 6 сарын 8-ны өдөр үүд хаалгаа нээлээ. Дэлхийд алдартай Годива брэндийн албан ёсны дистрибютор нь Таван Богд Трэйд компани бөгөөд 2017 оны 9 сард анхын салбараа Шангри-Ла моллд нээж байсан бол өнөөдөр 2 дахь салбараа хэрэглэгчдийнхээ хүсэлтээр, тэдэндээ илүү ойртон  Улсын Их дэлгүүрийн 1 давхарт нээж байна. Годива брэнд нь хамгийн сайн чанарын орцуудаар чанартай, тансаг шоколадуудаа үйлдвэрлэдэг бөгөөд зөвхөн байгалийн гаралтай орц ашигладаг учраас хадгалалтын нарийн температур, чийгшилийг цаг ямагт хангаад зогсохгүй хадгалах хугацаа маш богино байдгаараа онцлогтой. Годива нэрийн дэлгүүрээс органик шоколадаас гадна амтат зайрмаг, чоколейксэр, жинхэнэ кофе авч  өөрийгөө бас хайртай хүмүүсээ баярлуулаарай.  Та бүхнийг амттаны дээд Годива брэндийн дэлгүүрт хүрэлцэн ирэхийг урьж байна.

АЗ ЖАРГАЛЫН АМТ-KFC” шоу залуусыг доргиов

Дэлхийн брэнд KFC Монголд нээгдсэний 5 жилийн ойн баяраа “Таван Богд Фүүдс” ХХК буюу KFC Монгол салбарын  хамт олон үнэнч хэрэглэгчдийнхээ хамт  6 сарын 2-ны бямба гарагийн хүйтэн салхи, шиврээ бороог үл тоон “Гэрэлт Гудамж”-нд тэмдэглэлээ. Мөн KFC брэндийн хамт олон 6 сарын 3-нд “АЗ ЖАРГАЛТАЙ ГЭР БҮЛ” өдөрлөг зохион байгуулж бяцхан үрсдээ олон сонирхолтой хөтөлбөрөөр бэлэг барьлаа. Kentucky Fried Chicken буюу KFC түргэн ҮЙЛЧИЛГЭЭТЭЙ хоолны сүлжээ рестораны шунан дурлам амтат шарсан тахиа дэлхийн 135 гаруй орноор аялж, өдөр бүр 100 сая гаруй үйлчлүүлэгчдэд баяр хөөр авчирсаар Монголд 2013 оны 5 сарын 29 –нд буюу яг 5 жилийн өмнө нээгдэж байжээ. Одоо KFC ресторан  11 салбартайгаар, 600 гаруй ажилтантайгаар  үйл ажиллагаагаа явуулж байна.   Үүний 3 нь  Монголд одоо ч цор ганц хэвээрээ байгаа автомашинаасаа буулгүйгээр үйлчлүүлдэг авто KFC салбар юм.   Мөн улсад  төлсөн татвар, бий болгосон ажлын байраараа, үйлчилгээний стандартаараа  топ 100 компанийн нэг  болсон амжилттайгаар 5 жилийн ойн баяраа угтаж байна.  

ЕРӨНХИЙЛӨГЧИЙН НЭРЭМЖИТ УДИРДЛАГУУДАД ЗОРИУЛСАН СУРГАЛТ ХОЁР ДАХЬ ЖИЛДЭЭ АМЖИЛТТАЙ ЗОХИОН БАЙГУУЛАГДЛАА

Таван Богд Группийн Ерөнхийлөгч Ц.Баатарсайханы урилгаар Японы  "Комияа консалтинг"-ийн менежментийн зөвлөх багш Комияа Казүёши хоёр дахь удаагаа айлчлан ирж Таван Богд Группийн удирдах төвшний 400 гаруй ажилтнуудад “ШИНЭ ҮЕИЙН МАНЛАЙЛАЛ” сургалтыг зохион байгууллаа. 2017 онд зохион байгуулсан сургалтад 300 гаруй удирдлага хамрагдаж байсан бол энэ жилийн хувьд 23 компанийн нийт 400 гаруй удирдлага оролцлоо. Сургалтын эхэнд Таван Богд Группийн Ерөнхийлөгч  Ц.Баатарсайхан нийт удирдлагуудад Группийн амжилт ололтуудаас дурдаж, ирээдүйн зорилго, алсын хараагаа танилцуулан уг зорилгод хүрэхийн тулд МАНЛАЙЛАЛ ямар чухал болох талаар танилцуулсан юм.